DRT. ROSE UPOR AWAASA WANABALS CHUO KIKUU CHA DAR ES SALAAM, AWATAKIA MAFANIKIO MEMA! BYE! BYE! BYE!

Wahitimu watarajiwa wa Chuo Kikuu cha Dar es salaam (UDSM) katika Kitivo cha lugha za kigeni na isimu wametakiwa kujipamba kwa tabia njema ili kukabiliana na changamoto za ajira baada ya kuhitimu kwao.

Aidha, wametakiwa kujenga utamaduni wakujiamini kutokana na kile walichojifunza katika kipindi chote cha masomo chuoni hapo.

Wito huo umetolewa na Mkurugenzi wa Ofisi ya makamu Mkuu wa chuo kikuu cha Dar es salaam, Dr Rose Upor wakati akitoa nasaha zake za mwisho kwa wanafunzi hao katika mkutano maalumu uliofanyika katika chumba cha SR15 chuoni hapo.

Drt Upor ambaye pia ni mlezi wa wanafunzi hao hasa kupitia chama cha wanaisimu wa lugha za kigeni chuoni hapo (DUFLLA) amesema, maisha ni safari ndefu ambayo inahitaji uvumilivu na kamwe sio kupita katika njia za mkato kwani kufanya hivyo kunaweza kuwahatarishia mustakbali wa maisha yao. 

Aidha, amewaasa wanafunzi hao kupanua maarifa yao katika kubuni njia mbalimbali zitakazowakwamua kimaisha badala tu ya kutegemea kipato kupitia kuajiriwa.

Amewahakikishia wanakitivo hicho kuwa, ni lazima wajiamini kuwa ni watu muhimu katika jamii na hasa kutokana na uwezo wao wa kielimu na maarifa kiasi kwamba wanaweza kufanyakazi katika sekta mbalimbali ndani na nje ya nchi.

Amesema, lazima kila mmoja ajithamini yeye mwenyewe huku wakitambua kuwa hakuna kitu kisichowezekana katika kupambana na maisha licha kwamba ni safari ndefu inayohitaji uvumilivu.

Kwa upande wake mwakilishi wa wanafunzi hao ambae pia ni Raisi wa (DUFLLA) Mtoga Athumani, amemshukuru sana Dkt Upor kwa kukubali mwaliko huo na kumtaka kuwa tayari kushirikiana nao kwa hali na mali wakati wowote watakapo mhitaji.

Aidha ametumia fursa hiyo kumhakikishia Dtr. Upor kuwa, akiwa kama Raisi wa chama hicho, atahakikisha (DUFLLA) imesimama na kuendelea kuiunga mkono bega kwa bega wakiwa chuoni na hata nje ya chuo hicho.

Mwisho Drt. Uppor amewahakikishia wanafunzi hao kuwa yupo tayari kushirikian nao katika mazingira yote watakayomuhitaji

Ikumbukwe kuwa Drt Uppor ni mlezi wa Chama hicho na pia amekuwa mstari wa mbele kuhakikisha chama hicho kinaelekea katika mafanikio.