WAISLAMU TANZANIA WAADHIMISHA SIKU YA QUDSI DUNIANI

Waislamu nchini Tanzania wameungana na waislamu wengine duniani kote katika kuadhimisha siku ya Qudsi duniani kufuatia dhulma zinazoendelezwa na utawala dhalimu wa Israil unaoendeleza jinai, kuwanyanyasa, kuwatesa na kuwauwa wapalestina wasio na hatia katika ukanda wa Ghaza.

Akizungumza katika maadhimisho hayo, Alhajji Sheikh Aliy Basweleh maarufu kama mzee wa kunukuu amesema, kinachofanywa na utawala haramu wa Israil ni kitendo cha kinyama kinachopaswa kukemewa na kila mpenda amani, haki na usawa duniani.

Amesema kama waislamu wanaalaani vikali dhuma hizo na kamwe hawakotayari kuona utawala huo dhalimu ukiendelea kuwakandamiza Wapalestina, kuwauwa na kuwamyima uhuru wao, huku wakiendelea kuivunjia heshima nyumba tukufu na qibla ya kwanza ya waislamu Masjid Al-aqswa.

Kwa upande wake Imam Mkuu wa Masjid Ghadir Samahatu Sheikh Mohammed Jalal amesema waislamu wanatakiwa kuunganisha nguvu yao bila kujali itikadi zao kuhakikisha wanapambana na dhulma hiyo na kuwa tayari kuukomboa Msikiti Mtukufu wa Aqswa.

Ikumbukwe kuwa siku ya Qudsi huadhimishwa kila mwaka katika Ijumaa ya mwisho wa Mwezi mtukufu dwa ramadhani tangu kuasisiwa kwake na Imam Khomein mwasisi wa Jamhuri ya Kiislamu ya Iran, kwa lengo la kulaani jinai zinazofanywa na utawala bandia wa Israel, dhidi ya Wapalestina.