JUMA DUNI.... MALARIA ZANZIBAR ITAKUWA HISTORIA

Wizara ya Afya Zanzibar imezindua ugawaji wa vyandarua vyenye dawa ya muda mrefu ikiwa ni mikkati ya kuhakikisha ugonjwa wa malaria unatokomezwa Zanzibar.

Akizindua mpango hou, Waziri wa wizara hiyo, juma Duni Haji kukamilika kwa ugawaji wa vyandarua hivyo kunaweza kutokomeza moja kwa moja ugonjwa wa malaria ambao kwa Zanzibar upo chini ya asilimia moja.

Amesema licha ya maambukizi kuwa chini ya asilimia moja, lakini mikakati ya wizara ni kuhakikisha ugonjwa huo unabaki kuwa historia katika visiwa vya Zanzibar.

Amesema jumla ya vyandarua laki tatu na kumi na tano elfu mia nne sitini na tano (315,465) vinatarajiwa kugawiwa kwa wakazi wa Unguja na Pemba.

Kwa upande wake Msaidizi Meneja wa kitengo cha kupambana na malaria Zanzibar Mwinyi Mselem amesema pamoja na kutoa vyandarua hivyo, kitengo chake pia kinaendelea na upigaji dawa kwa ajili ya kuuwa mazalio ya mbu wa malaria.