MAMA RAYA AWATAKA WAISLAMU KUJITATHMINI LENGO LA RAMADHANI

 
Ikiwa zimebaki siku chache kuelekea kumi la mwisho la mwezi mtukufu wa ramadhan, waislamu nchini Tanzania wametakiwa kufanya tathmini ikiwa wameweza kulifikia lengo la kufaradhishwa kwa ibada hiyo tukufu ambalo ni kuwa wachamungu.

Wito huo umetolewa na Hajjat mama Raya wakati akizungumza na Radio Kheri ya jijini Dar es Salaam mapema hii leo.

Mama Raya amesema miongoni mwa alama za kufikiwa kwa lengo hilo ni pamoja na kutathmini mafunzo yanayoambatana na Mwezi mtukufu wa ramadhani.

Akitaja mafunzo hayo amesema, ramadhani ni umoja, upendo, mshikamano, huruma na mapenzi baina ya waislamu wenyewe sambamba na mafungamano yao na jamii inayowazunguka.

Amesema lazima kila muislamu ajifanyie tathimini ikiwa mafundisho hayo yameleta athari katika nafsi yake au laa, huku akizidisha kujipendekeza kwa mola mlezi.

Ikumbukwe kuwa Hajjat Mama Raya amekuwa msitari wa mbele katika jitihada mbalimbali za kutoa elimu na mafundisho sahihi ya dini ya kiislamu ndani na nje ya Tanzania.

MUBARAKA