48 WAUWAWA NCHINI KENYA "INNA LILLAHI WAINNA ILAYH RAJIUUN"

 

Takriban watu 48 wameuwawa kwa risasi kwenye mji wa Mpeketoni uliopo karibu na kisiwa cha Lamu nchini Kenya.

Polisi nchini humo imesema kuwa watu wanne waliokuwa na silaha waliteka magari mawili na kuyaamrisha kuelekea eneo la Mpeketoni ambapo walianza kuwafyatulia watu risasi kiholela.

Mashuhuda wa tukio hilo wamesema, kundi moja lilishambulia mikahawa , kituo cha polisi pamoja na kituo cha mafuta kwa saa kadhaa.

 

Haikuchukua muda mrefu, miili ilionekana kutapakaa kila mahala huku maeneo mengine yakiteketezwa nkwa risasi za moto.

Mpaka sasa hakuna mtu yeyote ambaye amesadikiwa kukamatwa na polisi juu ya tukio hilo la kusikitisha.

Hata hivyo, Polisi wameendelea kulishuku kundi la wanamgambo wa Al Shabaab kuwa ndio waliotekeleza mauwaji hayo.

Kwa upande wa kundi hilo, bado halijatoa tamko rasmi juu ya kuhusika au kutohusika na kitendo hicho, au kutokana na polisi kulishuku kundi hilo kuhusika na mauwaji hayo.