ALAA ABDEL FATTAH JELA MIAKA 15

Hatimae mahakama nchini Misri imemhukumu kifungo cha miaka 15 gerezani, mwanaharakati maarufu Alaa Abdel Fattah, aliyetoa mchango mkubwa katika harakati za kuuangusha utawala wa rais Hosni Mubarak mwaka 2011, kwa makosa ya kumshambulia askari polisi wakati wa maandamano haramu.

Alaa ambaye alikuwa nje kwa dhamana tangu mwezi Machi, amekamatwa mara moja na washtakiwa wengine wawili baada ya kutolewa hukumu hiyo wakati wakisuburi kuruhusiwa kuingia katika mahakama hiyo ya muda iliyoundwa kwenye chuo cha polisi mjini Cairo.

Mahakama hiyo imetoa hukumu sawa na hizo kwa washtakiwa wengine 24, ambao wote hawakuwa mahakamani, baada ya kuwatia hatia kwa makosa yanayoanzia kwenye kushiriki maandamano yanayokiuka sheria hadi kwenye kufanya vurugu, kufunga barabara na kuwashambulia maafisa wa polisi.

Hatua hio imekuja, ikiwa ni siku chache tu ambapo mahakama nchini humo iliwahukumu raia kadhaa adhabu ya kifo kwa tuhma za kukutikana na makosa ya uvunjifu wa amani na kusababisha watu wawili kupoteza maisha yao.