MSHAURI WA MUFTI NCHINI MISRI KUNDI LA DESH SI LA KIISLAMU

 

Mshauri wa mufti nchini Misri amelitaja kundi linalojiita kwa jina la Dola la Kiislamu la Iraq na Sham kwa kifupi DAESH kuwa ni kundi lenye fikra potofu na kwamba ni haramu kwa mtu yeyote kujiunga na kundi hilo.

Ibrahim Najmi amesema kuwa, kundi hilo licha ya kuwa na misimamo isiyokubalika na Uislamu, limewahadaa vijana wengi kwa kauli ya eti Dola la Kiislamu, katika hali ambayo vitendo vyake vinafanyika kwa lengo la kuuchafua Uislamu, kuharibu nchi na kumwaga damu za watu. 

Ibrahim ameyasema hayo katika kikao cha waandishi wa habari katika ofisi ya Kiislamu ya DARUL-FATWA mjini Cairo, Msri. 

Aidha amesisitiza kwamba, Watu wanapasa kuchukua hatua madhubuti za kukabiliana na fikra za makundi yenye kuuchafulia jina a Uislamu mithili ya DAESH na mengineyo ambayo yanatekeleza vitendo vya ukatili kote duniani.

Amemalizia kwa kusema kwamba, vitendo vya kundi la DAESH yakiwemo mauaji na uharibifu huko nchini Iraq, Syria na katika nchi nyingine, vinafanyika kwa maslahi ya maadui wa umma wa Kiislamu hasa kwa kuzingatia kwamba uharibifu na mauaji hayo yanafanyika katika nchi za Kiislamu kwa lengo la kuwadhuru Waislamu.