WAISLAMU SUBRANI NA TAFAKARINI DHIDI YA UISLAM NA WAISLAMU

 

Waumini wa dini ya kiislamu nchini wametakiwa kuwa na subra hasa katika kipindi hichi kigumu ambapo nguvu za madui dhidi ya waislamu zimeelekezwa kichafua dini hiyo ya amani, upendo na utulivu.

Kauli hiyo imetolewa na sheikh Mohammed Issa wakati akizungumza na waandishi wa habari kufuatia hali ya sintofahamu inayoendelea kujitokeza katika nchi za kiislamu na maeneo mbalimbali ya waislamu ikiwemo kisiwa cha Zanzibar.

Amesema, waislaam wamekabiliwa na changamoto kubwa kutoka kwa maadui zao ikiwa ni pamoja na maadui hao kupanga njama mbalimbali za kutaka kubomoa msingi wa uislamu na kuwapaka matope waislamu hao.

Hayo yamejiri kufuatia matukio ya kuuwawa kwa masheikh na viongozi mbalimbali wa kidini ndani na nje ya nchi, likiwemo tukio la mripuko wa bomu lililosababisha kuuwawa kwa muhadhiri mmoja huko Zanzibar.

 

Hata hivyo uchunguzi unaendelea kufuatia tukio hilo, huku Jeshi la Polisi Zanzibar likisema kuwa bado halijabaini mtu yoyote au kundi lolote kuhusika na uripuaji wa Bomu katika eneo la darajani huko Zanzibar.

 

RPC Mkoa wa Mjini Maghar, Mkadam Khamis wakakati akizungumza kupitia simu yake ya mkononi na baadhi ya vyombo vya habari amesema, katika tukio hilo mtu mmoja amefariki dunia na wengine saba kujeruhiwa baada ya kutokea mripuko huo wa bomu.

Amesema kulionekana kutokea kwa taharuki wakati waumini wa Dini ya kiislamu walipokuwa wanatoka msikitini Darajani ambapo kulikuwa na mawaidha baada ya kumalizika kwa sala ya Ishaa.

Akibainisha kutokea kwa tukio hilo RPC huyo ,amesema kwamba watu waliokuwa ndani ya gari ndogo aina ya Vits walirusha bomu hilo na kukimbia kusiko julikana wakati waumini wa Dini ya kiislamu walipokuwa wanatoka msikitini.

Hadi sasa Jeshi la Polisi bado halijabaini iwapo bomu hilo ni lakutengeneza kwa kutumia baruti au ni bomu lenyewe ambalo limetengezwa kwa njia ya kitaalamu.

Ameeleza kuwa aliefariki katika tukio hilo ni Khatibu Mkumbiladuha (26) mkaazi wa Mkoa wa Tanga ambae alikuwa miongoni mwa wahadhir waliofika msikitini hapo.

Aidha RPC Mkadam amewataka wananchi wa Zanzibar kuwa watulivu katika kipindi hichi huku wakiliacha Jeshi la Polisi kufanya uchunguzi wa kina ili kuwabaini wahusika wa tukio hilo na hatimae kuwafikisha katika vyombo vya sheria.

Katika kipindi cha hivi karibuni Zanzibar imekuwa akikubwa na matukio mbali mbali ya uchafuzi wa amani ikiwa ni pamoja na kuuwawa kwa viongozi mbalimbali wa kidini jambo linalotishia amani mjini humo.

Wachambuzi wa mambo wameendelea kudai kuwa hali hiyo inaonekana ni njama za makusudi za kutaka kukichafua kitovu hicho cha uislamu kwa maslahi yao binafsi.