MURSI ATEMA CHECHE AKIWA JELA

MURSI AWATAKA WAMISRI KUENDELEA NA MAANDAMANO KUIPINGA SERIKALI MPYA YA NCHI HIYO

Rais halali aliyepinduliwa na jeshi nchini Misri Muhammad Morsi amewataka wananchi waaendelee kuandamana na kupinga serikali mpya ya nchi hiyo.

Kupitia ujumbe wake aliotuma kutoka jela, Morsi amewataka Wamisri waendeleze maandamano ya mapinduzi ya amani dhidi ya serikali inayoungwa mkono na jeshi akisema kuwa, mapinduzi yatashinda hivi karibuni huko Misri.

Pia Morsi amekiri kuwa alifanya baadhi ya makosa alipokuwa madarakani lakini hata hivyo amesema hakuwafanyia khiyana Wamisri na kuahidi kuendeleza mapambano dhidi ya ufisadi na jinai nchini humo.

Ujumbe huo umetolewa ikiwa ni siku moja baada  ya  kuapishwa rasmi Abdul Fattah al Sisi aliyekuwa mkuu wa jeshi wa zamani wa Misri kuwa rais wa nchi hiyo

Hatua hiyo imefikiwa baada ya tume ya uchaguzi  kutangaza kuwa ameshinda uchaguzi kwa asilimia 96.91

Hata hivyo, uchaguzi huo ulikumbwa na dosari kubwa ya kususiwa na makundi mengi ya kisiasa ya Misri huku wanachi wakijitokeza kwa kiasi kidogo sana katika upigaji kura.