HAMAS YAITAKA JAMII YA KIMATAIFA KUCHUKUA HATUA ZA DHARURA KUKOMESHA MASHAMBULIZI YA UTAWALA GHASIB WA ISRAIL

Mkuu wa ofisi ya kisiasa ya Harakati ya Mapambano ya Kiislamu ya Palestina (HAMAS) ameitaka jamii ya kimataifa kuchukua hatua za dharura ili kukomesha mashambulizi ya utawala ghasibu wa Israel katika eneo la ukanda wa Gaza.

Khalid Mash’al ametoa wito huo wakati alipozungumza kwa njia ya simu na Waziri wa Mambo ya Nje wa Uturuki, Ahmet Davotoglu.

Kwenye mazungumzo hayo, Mash’al amesema nchi za Kiislamu kama vile Uturuki na nyinginezo Mashariki ya Kati zinapaswa kusimama imara na kupinga kivitendo hujuma za Wazayuni dhidi ya raia wasio na hatia katika ukanda wa Gaza huko Palestina inayokaliwa kwa mabavu.

Utawala wa Kizayuni wa Israel kwa siku kadhaa sasa umekuwa ukiendesha mashambulizi dhidi ya maeneo mbalimbali ya Palestina hususan ukanda wa Gaza kwa kisingizio cha kuwatafuta vijana watatu wa Kizayuni waliotoweka.

Kwenye hujuma hizo, Wapalestina watatu wameuawa shahidi na wengine kadhaa wamejeruhiwa