KUNDI LA HAMAS LAWEKEWA ALAMA YA HATARI

Israel imetangaza kuthibitisha kwamba vijana wake watatu waliokuwa wamepotea wamepatikana wakiwa wamekufa. 

Miili yao imekutwa katika mji wa Halhul kwenye ukanda wa Gaza, na naibu waziri wa ulinzi wa Israel Danny Danon amesema kundi la Hamas ndilo lililowauwa vijana hao. 

Waziri huyo ametoa wito wa kuangamizwa kundi hilo, na waziri mkuu Benjamin Netanyahu amesisitiza kwamba Hamas itawajibika kwa uhalifu huo ambao inadaiwa kuufanya. 

Awali Hamas ilikataa kukiri wala kukanusha kuhusika na utekaji nyara wa vijana hao.

 Radio ya serikali ya Israel imesema miili ya vijana hao ilikuwa imefunikwa kwa vipande vya miamba karibu na mahli walipoonekana mara ya mwisho, kaskazini mwa mji wa Hebron. 

Hata hivyo, imeelezwa kuwa mpaka sasa bado mazingira ya kifo chao hayajabainika.