SHEIKH IBRAHIM GHULAAM AWATAKA WAUMINI KUSHIKAMANA NA ITIQAAFU

Waislamu wametakiwa kuhuwisha sunna ya Mtume Muhammad (SAW) kwa kukaa itiqaafu hasa katika kumi la mwisho la mwezi mtukufu wa ramadhani.

Nasaha hizo zimekuja ikiwa ni masiku machache tangu waislamu duniani kote kuanza kumi la pili la mwezi Mtukufu wa rammadhan huku wakisubiria kwa hamu kuanza kwa kumi la mwisho ambalo limahsusi kwa ibada tukufu ya Itiqaafu.

Sheikh Ibrahim ametoa nasaha hizo mapema leo hii wakati akizungumza na radio Kheri jijini Dar es Salaam

Amesema, inapaswa ifahamike kuwa itikafu ni ibada adhimu inayompamba muislamu kubaki katika utukufu wake na nafasi yake mbele ya Allah tabaraka wataala.

Amesema Mtume (SAW) alilitumia kumi la mwisho la mwezi mtukufu wa ramadhani, kubaki msikitini akimtaja na kumuelekea allah (SW) huku akiwahimiza jamaa na maswahaba zake kuiendea sunna hio adhimu.

Aidha amesema ibada hii adhimu pia inafanywa kwa waislamu wa jinsia zote, wake kwa waume kama ilivyothibiti katika maisha ya Mtukufu wa darja Muhammad (SAW).