WANAWAKE WAASWA KUTOA SADAKA SIKU YA IDDI

 

Wanawake wa kiislamu wametakiwa kiutumia siku kuu hii ya Eidil fitri katika kuwaangalia wagonjwa, mayatima, wajane na wale wasiojiweza kwa kuwapatia sadaqa ili kuzidi kuzitakasa swaumu zao.

Wito huo umetolewa na Imamu msaidizi wa masjid Msufini jijini Dar es Salaam, Samahatu sheikh Amour Iddi wakati wa khotuba ya swala ya Iddil fitri iliyoswaliwa msikitini hapo mapema hii leo.

Sheikh Amour amesema, wanawake hawanabudi kuzitakasa saumu zao kwa sadaka kutokana na wingi wa kutamka maneno yasiyomazuri bila hata ya kukusudia.

Aidha ametumia fursa hiyo kuwataka waumini hao kuzihifadhi nafsi zao katika kuelekea kumuaswi Mola wao mlezi ndani ya siku hii tukufu ya Iddil fitri, kwani kufanya hivyo kutabatilisha matendo yao ikiwemo ibada tukufu ya Swaumu.

Kwa upande wake, Imam Mkuu wa masjid Msufini, sheikh Qassim Iddi amewataka waislamu kufurahia siku ya Iddi kwa kutembelea maeneo matukufu yakiwemo makaburi ili kupata mazingatio ya siku ya hisabu, jambo ambalo litazidisha uchamungu na kupambana na nafsi zao.