MADAKTARI BINGWA KUTOKA MISRI WAWASILI TANZANIA!

Madaktari bingwa wanne kutoka Misri wamewasili nchini kwa ajili kubadilishana uzoefu, ujuzi, kupanua wigo na kukuza uhusiano katika kitengo cha Mifupa na Mishipa ya Fahamu (MOI) ikiwa ni kampeini ya afya na upasuaji.

Madaktari hao ni Mohamed Bigirmy, Ezzat Kamel, Tamer Ahmed na Hussein Mohamed watakaosaidiana na madaktari wa Tanzania katika kampeini hiyo.

Ujio wa madaktari hao, uliratibiwa na Mashirika ya Kimataifa ya African Relief Committee of Kuwait na Al-Rahma International yanayohusika na utoaji wa misaada na huduma kwa jamii, kwa kushirikiana na Serikali ya Tanzania kupitia Wizara ya Afya na Ustawi wa Jamii.

Akizungumza na waandishi wa habari jijini Dar es Salaam, Mratibu wa kampeni hiyo, Khamis Mkanachi aMEsema madaktari hao kutoka Misri wameanza kampeni hiyo jana mpaka Agost 18.

Naye, Mkurugenzi wa MOI, Othman Kiloloma ameishukuru wizara ya afya kwa kuwaleta madaktari hao watakaosaidia kupunguza changamoto ya upungufu wa madaktari bingwa katika kitengo hicho ambacho hadi sasa wapo watano tu kwa uwiano wa daktari mmoja wagonjwa wengi.