UKAWA WAMPA SOMO JK

Umoja wa Katiba ya Wananchi (Ukawa), umemtaka Rais Jakaya Kikwete kusimamisha shughuli za Bunge Maalum la Katiba na kusikiliza matakwa ya wananchi kwa maslahi ya kupata katiba itakayokuwa na manufaa ya wananchi wote na taifa kwa ujumla 

Hayo yameelezwa na viongozi wa umoja huo, Mwenyekiti wa Chadema, Freeman Mbowe, Mwenyekiti wa CUF, Prof. Ibrahim Lipumba na Mwenyekiti wa NCCR-Mageuzi, James Mbatia, wakati wakizungumza na waandishi wa habari, jijini Dar es Salaam .

 Viongozi wa umoja huo wamesema kuachwa kuendelea kwa shughuli za bunge hilo kutapelekea kupotea kwa fedha za wananchi bila kuzingatia ridhaa zao jambo ambalo halitakua na tija kwa taifa la Tanzania.

Aidha, wamemtaka Mdhibiti na Mkaguzi Mkuu wa Hesabu za Serikali (CAG), kufanya ukaguzi maalum kwenye matumizi ya fedha za Bunge hilo ili kudhibiti suala la ufisadi.

Kwa upande wake Mbatia amesema wajumbe wa bunge hilo hawanabudi kuzingatia matakwa ya wananchi ili kujipatia katiba itakayokuwa na manufaa kwa watanzania wote