SERIKALI KUFANYIA MABORESHO MIUNDOMBINU YA RELI NA UWANJA WA NDEGE

DAR ES SALAAM

Serikali kwa kushirikiana na wadau wa sekta binafsi ya miundombinu ya reli na barabara inatarajia kufanya maboresho ya usafiri wa reli ya kati na Uwanja wa Ndege wa Mwalimu Julius Nyerere

Katibu Mkuu wa Wizara ya Uchukuzi, Shaaban Mwinjaka, ameyasema hayo kwenye mkutano uliowashirikisha wadau mbalimbali wa miundombinu jijini Dar es Salaam.

Amesema Serikali ipo katika mikakati madhubuti ya kuhakikisha huduma ya usafiri wa reli, barabara na anga unaimarika.

Ameongeza kuwa Serikali inatarajia kupokea mabehewa 400 na vichwa 50  vya treni kwa ajili ya uboreshaji wa usafiri wa Jiji la Dar es Salaam.

Aidha, amesema Serikali ina mpango wa kuanzisha usafiri wa treni kutoka Dar es Salaam kwenda Mkuranga, mkoani Pwani. 

Amesema usafiri wa treni unaendelea kuboreshwa hasa kutoka Dar es Salaam hadi Morogoro.