DRT. BILAL "VIONGOZI WA DINI LIOMBEENI TAIFA"

Serikali imewataka viongozi wa dini nchini kuendelea kuombea taifa libakie na amani, utulivu na upendo miongoni mwa wananchi, kwani ni tunu kutoka kwa Mwenyezi Mungu.

Makamu wa Rais, Dk Mohamed Gharib Bilalalisema hayo wakati akizungumza na baadhi ya viongozi wa dini jijini Dar es Salaam.

Dk Bilal amesema viongozi wa dini wanayo nafasi kubwa ya kufanya waumini wao kutambua umuhimu wa tunu iliyoletwa kwa wanadamu waweze kukabiliana na majukumu ya maisha yao.

Drt. Bilal amesema amani ndiyo tunu pekee ambayo Taifa la Tanzania linaendelea kujivunia tofauti na nchi nyingi za Afrika na ulimwengu kwa ujumla.

Aidha amewasihi viongozi wa dini kusimama kidete ili kuhakikisha wanailinda amani iliyopo kwa maslahi ya watanzania wote.