MAALIM SEIF: NITAWASHAWISHI WAZANZIBAR WAIKATAE KATIBA INAYOPENDEKEZWA HAINA MASLAHI KWA WAZANZIBAR!!

Makamo wa Kwanza wa Raisi wa Zanzibar, Maalim Seiff Shariff Hamad  amesema  haikubali Katiba inayopendekezwa kwa kuwa haina maslahi ya wazanzibari na badala yake atawashawishi kuipigia kura ya hapana.

Kauli hiyo ameitoa wakati akihutubia mkutano mkubwa wa hadhara katika viwanja vya Demokrasia vya Kibanda Maiti, mjini Zanzibar ukiwa ni Mkutano wa kwanza mkubwa tokea kumalizika kwa mchakato wa katiba mpya inayopendekezwa.

Amesema kuwa miongoni mwa mambo yanayoipokonya Zanzibar hadhi yake ni Katiba inayopendekezwa kumpokonya Rais wa Zanzibar mamlaka ya kugawa mikoa, tofauti na Katiba ya Zanzibar ya sasa.  

Amesema kwa maana hiyo Rais wa Muungano anachukua mamlaka ya Rais wa Zanzibar na anaweza kuteua wakuu wa mikoa, na wakuu wa wilaya wa Zanzibar. 

Amesema hakubaliani na kauli za baadhi ya watu wanaosema kuwa  Serikali ya Mapinduzi ya Zanzibar (SMZ) inaridhishwa na mchakato wa Katiba mpya.