MABADILIKO TABIA NCHI BADO CHANGAMOTO!

Sh. bilioni 840 zinahitajika kutoka kwa wafadhili kila mwaka kwa ajili ya kupambana na mabadiliko ya tabianchi na kujenga uelewa kwa wakulima juu ya mikakati bora ya kilimo cha kuhimili ukame.

Mkurugenzi msaidizi toka Ofisi ya Makamu wa Rais anayeshughulikia Mazingira, Richard Muyugi, amesema ipo haja ya kuwaelimisha wakulima ili kuchukua tahadhari mapema ya mabadiliko ya tabianchi.

Muyungi ameyasema hayo jijini Dar es Salaam wakati wa kufungua mkutano wa siku mbili juu ya Mabadiliko ya Hewa na Kilimo. 

Amesema hadi sasa wamepata Sh.bilioni 33.6 kutoka jumuiya ya  Ulaya kwa lengo  kusaidia katika mchakato wa utoaji elimu na utekelezaji.

Naye Afisa kutoka Shirika la Chakula na Kilimo la Umoja wa Mataifa (FAO),  Dk. Kaisa Karttunen, amesema lengo la semina ni kushiriki na kutafuta njia bora ya kukabiliana na mabadiliko ya hali ya hewa na kilimo chenye kuhimili ukame.